Pe nun te scurdà cchiù
Na vota solamente t’aggio visto
e chella vota sola m’è bbastata,
pe nun te scurdà cchiù.
T’aggio fotografata:
nu lampo ‘mpietto a mme
e ‘a lastra ‘e chistu core
s’impressionaje ‘e te.
Se sviluppaje subbeto chesta fotografia,
stampanne la tua immagine
int’ ‘o cerviello mio.
Duje uocchie appassiunate,
na faccia ‘e madunnella,
m’ ‘a porto int’ ‘o penziero
‘a femmena cchiù bella!
(Antonio De Curtis) – tratta da “Tutto Totò”
